Një shqiptar i dënuar për vrasje është ekstraduar nga Anglia.
Bëhet fjalë për 35-vjeçarin Granit Shehu, lindur në Kukës
Shehu u arrestua në Londër, pasi ishte shpallur në kërkim ndërkombëtar.
I riu vrau me thikë në 2015-ën në Kamëz, djalin e xhaxhait, pas një konflikti për motive të dobëta.
Gjykata e Tiranës e kishte dënuar me 16 vite burg me vendim të formës së prerë 35 vjeçarin.
Njoftimi i policisë
Interpol Tirana
Kapet në Londër një tjetër i kërkuar për vrasje, falë bashkëpunimit të Interpol Tirana me homologët.
Ekstradohet nga Londra 35-vjeçari nga Kukësi, i dënuar me 16 vite burg për vrasje.
Nga Specialistët e Interpol Tirana u krye ekstradimi nga Londra/Mbretëria e Bashkuar, drejt vendit tonë i shtetasit shqiptar Granit Shehu, 35 vjeç, lindur në Kukës.
Ky shtetas ishte i shpallur në kërkim ndërkombëtar, pasi Gjykata e Shkallës së Parë Tiranë me vendim të formës së prerë më datë 03.10.2018 e ka dënuar me 16 vite burg për kryerjen e veprës penale “Vrasje me paramendim”.
Përmbledhje e ngjarjes së ndodhur:
Shtetasi Granit Shehu në vitin 2015 në Kamzë në Tiranë, pas një konflikti për motive të dobëta ka vrarë me mjete prerëse shtetasin M. Sh.
Si rezultat i bashkëpunimit të Interpol Tiranës me Interpol Manchester/Britani e Madhe, u bë i mundur arrestimi i tij në Britani të Madhe, duke u finalizuar me ekstradimin drejt vendit tonë.
