Vazhdojnë të dalin detaje të tjera nga ngjarja shokuese ku një 28 vjeçare u vra dhe më pas u varros nga i ati i saj në Greqi.
Anxhelina Petro u vra nga babai i saj Aleko Petro ose Bardhyl Guri nga Berati.
Para autoriteteve greke i ati i viktimës ka treguar ç’ndodhi natën e Vitit të Ri dhe fjalët e fundit të së bijës teksa ai i dha goditjen fatale.
“Babi të dua shumë.”- i ka thënë Anxhelina, raportojnë mediet vendase.
E gjithë historia ka nisur pas telefonatës së të dashurit të 28 vjeçares, e cila ishte në një lidhje dashurie me një djalë afgan, mbetur jetim në luftë dhe i adoptuar nga një familje greke.
Babai i Anxhelinës ishte kundër kësaj lidhjeje dhe kur i dashuri i të bijës e ka telefonuar teksa babë e bijë po darkonin, e ka humbur toruan. I dashuri dëgjoi pak nga sherri i tyre por më pas telefonata u ndërpre.
Për t’i shpëtuar goditjeve të të atit, vajza është hedhur nga dritarja me qëllim që të mbërrinte te shtëpia e fqinjes greke, por ka përfunduar në kopsht, aty, autori, Aleko Petro i ka dhënë goditjet fatale duke e qëlluar 7 herë me shufër hekuri.
Mëngjesin tjetër, ka qenë fqinja ajo e cila gjeti celularin e viktimës në kopshtin e saj dhe telefonoi të dashurin e Anxhelinës.
Më pas të dy shkuan më pas dhe bënë denoncimin në policinë e Korfuzit.
Babai i Anxhelinës, shtirej sikur e bija kishte humbur dhe ishte larguar nga shtëpia, mirëpo, qeni ka dërguar policët në vendin ku babai kishte varrosur vajzën e tij ndërsa kjo e fundit, teksa jepte shpirt i tha “Babi të dua shumë”.
