Në lidhej me ngjarjen e rëndë që ndodhi më 1 tetor të vitit 2019, Prokuroria e Lezhës ka kërkuar 30 vite burg për Mikel (Gjovalin) Alinë, i cili akuzohet se nxori në pritë mikun e tij të fëmijërisë, Eri Zefi. Konkluzionet përfundimtare në lidhje me këtë çështje i ka nxjerrë Prokurori Erjon Shehaj. Ky i fundit e ka depozituar kërkesën në Gjykatë, e cila pritet të marrë vendimin.
Referuar dosjes hetimore, 42-vjeçari, i cili ishte edhe miku i fëmijërisë së Zefit, e ka nxjerrë në pritë, gjë që është provuar përmes pamjeve filmike dhe bisedave telefonike.
Megjithatë, vrasja mendohet të jetë kryer nga dy persona të tjerë, që ende nuk janë identifikuar edhe pas hetimeve. I vetmi person që mund t’i vendosë ata para drejtësisë është Aliaj, por ai nuk ka pranuar që të bëhet bashkëpunëtor i drejtësisë.
34-vjeçari Eri Zefi u gjet i vdekur në një kanal në fshatin Zall-Xhuxhë të Mirditës. Hetimet zbuluan se se krimi erdhi si pasojë e hakmarrjes, pasi vëllai i viktimës Eri Zefi, Ndue Zefi vrau mëngjesin e 24 shkurtit në qytetin e Durrësit, fqinjin e tij, Martin Ndreca. Ky i fundit i kishte ofenduar njerëzit e familjes.
Sjellim në vëmendje se Eri Zefi u ekzekutua me 6 plumba, 4 prej të cilëve e prekën në kokë, ndërsa 2 të tjerët në gjoks. Vrasja rezulton të ketë ndodhur gjatë natës së 1 tetorit të vitit 2019, pikërisht në vendin ku është gjetur trupi i viktimës në një kanal 50 metra larg Rrugës së Kombit.
