Mediat greke vazhdojnë të publikojnë detaje të reja mbi vrasjen e Anxhelina Petros, e cila ishte me origjinë nga Berati.
Vrasja saj u bë e bujshme pasi shkak për këtë ngjarje u bë lidhja e saj shumë vjeçare me shtetasin afgan. Kjo gjë e shqetësonte shumë të atin e vajzës dhe krijonte debate e konflikte të shpeshta mes tyre. Anxhelina nuk kishte kërkuar mbrojtje nga autoritetet pasi kishte frikë nga babai i saj. Presionet e tij ndaj vajzës për ta ndërprerë lidhjen nuk arritën ta bënin Anxhelinën të ndërpriste marrdhëniet me të riun nga Afganistani.
Sakaq policia greke gjatë marrjes në pyetje të babait të vajzës thonë se ai kërkonte Anxhelinën gjithë kohës duke thenë: “Ju lutem, më ndihmoni të gjej fëmijën tim!”.
Kjo ishte shprehja që ai e përsëriste shpesh gjatë marrjes në pyetje ku 52-vjeçari në fillim kërkonte nga policia që ta gjenin vajzën derisa u dorëzua dhe pranoi që ai e kishte vrarë atë.
