Vrasja e djeshme makabre në Pogradec tronditi mbarë opinioni publik dhe për këtë specialistët e shëndetit mendor reaguan duke dhënë edhe arsyet e mundshme që i çojnë autorët drejt këtyre akteve.
Kujtojmë se dje 44-vjeçari Olsi Çekiçi masakroi nënën e tij me thikë dhe kokën e saj e vari në derën e shtëpisë. Krimi makabër ka tronditur fqinjët dhe të afërmit. Ata treguan se nëna e tij ishte një grua e urtë, ndërsa shtuan se burri shpesh herë ushtronte dhunë fizike ndaj të moshuarës.
“Ka raste kur personi nuk e pranon që mund të jetë i sëmurë, këta janë ata që rrezikojnë për komplikacione të rënda si rasti në Bucimas. U tha që ishte përdorues i lëndëve narkotike, kjo sjell çrregullime të sjelljes. Dëmton jo vec personin por edhe ata që e rrethojnë. Ka persona që tentojnë të vetëzgjidhin problemet e tyre me alkool, lënë narkotike por edhe me qetësues. Rastet që shpërthejnë kështu janë raste të patrajtuara, këta persona nuk pranojnë bashkëpunim, nuk hapin asnjë shteg që të bëhen aleatë për kurim. Mund të jenë në këtë fazë edhe persona që kanë filluar një trajtim dhe që e kanë ndërprerë më pas, ose ka ndërprerë lidhjen me specialistin. Suporti familjar është shumë i rëndësishëm. Medikamentet për këtë pacientë janë të kushtueshme po ashtu trajtimi, terapia zgjat në kohë. Pra duhet mbajtur situata nën kontroll”,- sqaroi ajo.
