Policia ka nisur operacionin për kapjen e autorëve të vrasjes së Shkëlzen Kastratit pak ditë më parë në dalje të Fierit. Gjatë natës janë kryer kontrolle teksa Balkan Web shkruan se ka pasur edhe të shoqëruar. Bëhet me dije se 7-8 persona janë shoqëruar vetëm në Durrës, nërsa një person po merret në pyetje në Fier. Ka pasur të ndaluar edhe në Tiranë.
Ndër pistat e hetimit nga prokuroria përfshihet edhe vrasja për hakmarrje për shkak të konflikteve që ai ose familjarë të tij mund të kenë pasur. Ndër të tjera, policia ka marrë edhe dokumentacionin e automjetit tip ‘’Range Rover’’ me targa greke, që dyshohet se u përdor nga autorët dhe u gjet i djegur afër vendit të krimit. Gjithashtu, policia ka gjetur brenda makinës një armë tip “Scorpion” me silenciator, e cila dyshohet se është përdorur nga autori.
Shkëlzen Kastrati u vra në 1 shkurt në Fier në vendni e njohur si “Rotondoja e Sheqit” ndërsa ekspertiza konstatoi se ai është goditur me një plumb në krah dhe një tjetër e ka prekur në kokë. Ai u ekzekutua teksa ishte duke lëvizur me makinën e tij tip”Mercedes Benz” dhe dyshohet se ngjarja ka nodhur për konflikte te vjetra. Një atentat është bërë më herët ndaj vëllait të tij, Klement Kastarti në vitin 2016, por në të mbeti i vrarë Denis Kraja.
