Detaje të reja janë bërë me dije në lidhje me ngjarjen e rëndë të vrasjes së Xhimi Bakës në Fier, nga burri i të dashurës së tij, Xhuljano Miho. Vjehrra dhe nusja janë përballur këtë të enjte me njëra-tjetrën ku kanë lëshuar akuza dhe kundërakuza ndaj njëra-tjetrës. Sipas vjehrres, nusja ka jetuar me të ndjerin në shtëpinë e djalit të saj, kur ky i fundit ka qenë në Greqi. Akuzë e mohuar nga nusja. Por ndërkohë ka dalë në dritë një tjetër detaj i rëndë. Nusja u shpreh se vjehrra e ka ditur se Xhuljano do ta vriste Xhimin, pasi i kishte thënë se do ta vriste sapo të merrte një pistoletë. Deklaratat e tyre u bënë në emisionin “Me Zemër të Hapur”.
Debati mes tyre:
Vjehrra: Në shtëpinë e djalit tim ekzistojnë rrobat e të ndjerit. Ka jetuar me të kur Marjusi ishte në Greqi.
Nusja: Jo nuk është e vërtetë. Le të hapen kamerat e të zbulohet e vërteta. Zonja tha edhe që si ka bërë denoncim djalit, le të pyesin në polici, ka ardhur edhe patrulla e ka marrë në shtëpi. Kemi qenë në një shtëpi kur Marjusin e ka marrë patrulla para fëmijëve. Ata i nxirrnin thikat njëri-tjetrit.
Vjehrra: Lajmin e vdekjes e morëm vesh ditën e nesërme. E dinim të plagosur.
Nusja: Ty ta kishte thënë Xhuljano në sy tim që do ta vras Xhimin por po pres të blej një pistoletë. Edhe ti i ke thënë vrije bëj ç’të duash.
I riu nga Fieri, Xhimi Baka u bë viktimë e xhelozisë së bashkëshortit të bashkëjetueses së tij. E dashura e tij ishte në një proces divorci me të shoqin e saj, Xhuljan Miho, por në kushtet kur padia nuk kishte kaluar ende në fazë shqyrtimi nga Gjykata e Fierit, ajo kishte vendosur që të shkonte dhe të jetonte me të dashurin e saj të ri.
