FIER– Në një ngjarje të rëndë tronditi Fierin 2 ditë më parë. Novruz Cenalia, një efektiv i forcave speciale “Shqiponja”, është vrarë pas një konflikti të momentit në fshatin Baltëz. Cenalia, 28 vjeç, u qëllua me armë zjarri dhe ngjarja ka shkaktuar një valë trishtimi në të gjithë qytetin.
Ngjarja tragjike ndodhi kur Cenalia u përfshi në një përplasje me Azgan Mernica, një 23-vjeçar që tashmë është shpallur në kërkim nga autoritetet. Motivet e konfliktit ende nuk janë bërë të qarta nga hetimet e para.
Sot, trupi i pa jetë i Cenalias është vendosur në hollin e Teatrit Bylis në Fier, ku po zhvillohen homazhet. Familjarë, kolegë nga forcat e policisë, si dhe qytetarë të shumtë dhe autoritete lokale janë mbledhur për të nderuar kujtimin e tij. Më pas, ceremonia e varrimit do të zhvillohet në varrezat e fshatit Baltëz, vendi ku Cenalia u rrit dhe ku tani do të prehet përjetësisht.
