Vrasja e Azem Hajdarit dhe emri i Izet Haxhisë në këtë çështje ka sjellë një vendim nga ana e Prokurorisë së Tiranës, Mësohet se kjo e fundit ka kërkuar 25 vite burg për truprojën e parë të Sali Berishës.
I ardhur nga Tropoja për të studiuar mjekësi, Haxhia, pjesëtar i një familje të madhe, simpatizoi Sali Berishën, teksa sot akuzohet si personi i dyshuar për vrasjen e Azem Hajdarit në vitin 1998. Kujtojmë se Hajdari u qëllua jashtë godinës së Partisë Demokratike më 12 shtator 1998.
Haxhia gjatë një seance në gjykatë:
Nuk e nxora unë Azem Hajdarin në pritë. Para se të vritej, Hajdari ishte në takim me Sali Berishën. Azemi u njoftua se jashtë PD ishte një mjet me tritol. Kur e informoi këshilltari, ishte në zyrën e Berishës. Kur doli te makina, Azemi trokiti te xhami. Jaho Mulosmani ishte shofer i makinës, nuk qëlloi. Ai që qëlloi ishte Fatmir Haklaj. Kur ndodhi ngjarja, unë isha me Halil Haklajn. Unë e Azemi kemi qenë bashkëthemelues të PD. Jam ndjerë shumë i përdorur. Vrasja u bë për të rrëzuar Fatos Nanon. Fatmir Haklaj më tha se nuk kishte shkuar për të vrarë Azemin.
Haxhia është akuzuar si njeriu që çoi në pritë Azem Hajdarin.
