Disa ditë më parë administratori i fshatit Kotë të Vlorës mbeti i pajetë, pasi disa persona që po konflitoheshin për pronat i kanë gjuajtur me armë në kraharor.
Ditën e sotme është zhvilluar edhe seanca gjyqësore për tre personat e arrestuar, ku gjykata e Vlorës ka vendosur t’i mbajë në burg deri në marrjen e një vendimi në seancën e radhës.
Tre të rinjtë e arrestuar, të cilët kanë edhe lidhje gjaku me njëri-tjetrin janë: Arif Bejtja, Namik Bejtja 30-vjeç dhe Jaçe Bejtja 22-vjeç. Të tre këta persona kanë patur lidhje gjaku po ashtu me Argjil Gjokën i cili mbeti i vrarë me një plumb në gjoks.
60-vjeçari Argjil Gjoka, u vra gjatë një konflikti mes banorëve në fshatin Petë, ku ndërhyri për të qetësuar një sherr, për shkak të një rruge që po hapej në këtë zonë, ku fadromisti po debatonte me familjen Bejtja. Autori i ngjarjes është Mersin Bejtja, i cili është ende në kërkim nga policia.
Ngjarja e rëndë ndodhi para pak ditësh, në datën 11 qershor ku Argjil Gjoka mbeti i vrarë pasi ndërhyri në një konflikt. Ai mori një plumb në gjoks dhe u transportua me urgjencë në spital ku humbi edhe jetën. Mersin Bejtaj dhe tre të rinjtë u arratisën nga vendi i ngjarjes, ndërkohë që njëri u transportua në spital pasi kishte ngelur edhe ai i plagosur.
