Policia dhe autoritetet qeveritare janë dorëzuar në Shkodër prej nga ku ka nisur që prej 1 ore një protestë madhështore e qytetarëve të zemëruar.
Protesta për vrasjen e Klodian Rashës nga policia, ka bërë që protestuesit në Shkodër ta përshkallëzojnë atë duke sulmuar me gurë dhe sende të forta selinë e Parisë Socialiste dhe komisariatin e policisë.
Ata kanë thyer derën kryesore dhe dritaret e godinës, si dhe i kanë vënë zjarrin më pas kazanëve të mbeturinave.
Me pankarta në duar “Ma në fund kena ba shtet, ditën të puth, natën të vret”; “Policia e Lleshit ta fut plumb mas veshit”; “Edvini e do popullin e vet, prandaj e vjedh, prandaj e vret” dhe me thirrjet “Poshtë komunizmi”, “Rama ik!”, mijëra qytetarë kanë marshuar në rrugët e qytetit duke kërkuar drejtësi për 25-vjeçarin e vrarë nga policia.
Protestuesit kanë qëlluar me hurma makinën e policisë në qendër të qytetit, teksa mjeti është larguar për t’iu shmangur protestuesve.
Protestuesit kanë kërkuar drejtësi për vrasjen e 25-vjeçarit Klodian Rasha dhe largimin e kryeministrit Edi Rama dhe kryepolicit Ardi Veliu.
Protesta që nisi e qetë ku qytetarët marshuan në rrugët kryesore të qytetit, më pas u përshkallëzua dhe disa persona kanë qëlluar me gurë e sende të forta selinë e PS duke thyer xhamat.
Po kështu janë djegur reklama dhe janë përmbysur kazanë mbeturinash, ndërkohë që janë thyer edhe vazo dekorative me lule. Më pas protestuesit janë drejtuar për nga Bashkia e Shkodrës. Me gjithë praninë e madhe, policia nuk ka ndërhyrë dhe nuk ka pasur shoqërime, duke dashur që të mos krijoë më tepër zemërim tek qytetarët turma e të cilave ka qenë masive.
/GazetaReforma.com/
