Një ngjarje e rëndë tronditi Greqinë, ku u vra në mënyrë mizore në sy të foshnjës dhe burrit të saj një 20-vjeçare britanike. Kur ka kaluar më shumë se një muaj nga mbytja e 20-vjeçares, ende nuk ka asnjë të arrestuar nga autoritetet e vendit fqinj për krimin e rëndë që ndodhi në Athinë. Por duket se hetimet janë në rrugë të mbarë pasi nga 100 kriminelë që ishin në fillim në listën e të dyshuarve, rrethi është ngushtuar në 3 të dyshuar, të cilët sipas gazetës greke “Ta Nea” janë shqiptarë.
Drejtuesit e grupit hetimor kanë qenë në kontakt me të paktën 100 persona, ka rreth 25 dëshmi nga oficerë policie, fqinjët, të afërmit dhe miqtë e çiftit si dhe njerëz të tjerë që mund të dinë saktësisht se çfarë ndodhi atë mëngjes të 11 majit, shkruhet në artikull.
Shkrimi në gazetën greke, vazhdon “të dhëna krahasuese janë kërkuar nga 10-15 grabitje të ngjashme në Atikë, si dhe për lëvizjet e të paktën 20-30 kriminelëve grekë, shqiptarë, gjeorgjianë, disa prej të cilëve janë liruar kohët e fundit, duke synuar individë të veçantë, me interes për tre të huaj me origjinë shqiptare që mund të jenë përfshirë në grabitje, të cilët janë zhdukur”.
Ndërkohë kujtojmë që pak ditë më parë kanë ndërtuar edhe një identik të shqiptarit i cili ishte i dyshuar si organizator i grabitjes që përfundoi me vrasjen e 20-vjeçares, por deri tani nuk ak asnjë të arrestuar për këtë ngjarje.
