Gjykata e Apelit të Juridiksionit të Përgjithshëm ka lënë në burg tre fëmijët e Pëllumb Metës, të cilët akuzohet se kanë vrarë babanë e tyre, në muajin shkurt të këtij viti. Apeli la lënë në fuqi vendimin e shkallës së parë, duke lënë në burg Hysen dhe Amarildo Metën, si dhe vajzën, Hygertën.
Hysen dhe Amarildo Meta kishin kërkuar masën e detyrimit te paraqitjes, por kjo kërkesë e tyre është hedhur poshtë nga Gjykata, derisa hetuesit të dalin në përfundimin për rolin që secili prej fëmijëvë ka pasur në vrasje.
Fëmijët i kanë qëndruar dëshmive që kanë dhënë në seancën në shkallën e parë, ku thanë se vrasësja e babait është 19-vjeçarja Hygerta Meta, dhe jo Hyseni, i cili kishte marrë përsipër fajin fillimisht.
Si ndodhi vrasja?
Pëllumb Meta u gjet i varrosur në kasollen e bagëtive pranë banesës së tij. Policia thotë se ai u vra nga Hysen Meta që bashkëpunoi me motrën Hygertën për ta kryer krimin. Më pas për të zhdukur trupin ka ndihmuar edhe vëllai tjetër, Amarildo. Të tre tashmë janë pas hekurave të qelisë në arrest me burg. Ndërkohë mamaja e tyre, Blerina po hetohet në gjendje të lirë, pasi ka dyshime se dhe ajo ka qenë në dijeni të krimit. Por është e paqartë se kush e ka tërhequr këmbëzën.
