Gjykata e Tiranës ka vendosur që të lërë në burg 4 të akuzuarit për vrasjen e 18-vjeçarit Aurelio Dervishi. 4 të akuzuarit për vrasje në bashkëpunim kanë heshtur para trupës gjykuese. Në argumentin mbrojtës, avokati ka pretenduar se ngjarja nuk ka qenë e paramenduar por ka qenë thjesht një debat i çastit dhe sipas të rinjve viktima i ka qëlluar me levë.
20-vjeçari Frensis Shahu së bashku me 2 kushërinjtë e tij 16-vjeçarë dhe një 15-vjeçar u konfliktuan rreth orës 22.00 të së dielës pranë rrethit të Shkozës me Aurelio Dervishin dhe 2 miqtë e tij pasi në makinë ata ishin me një 16-vjeçare që dikur ka qenë e dashura e njërit prej shokëve të tyre.
