Procesi i numërimit të votave preferenciale në Tiranë vijon, ku deri tani janë hapur 603 nga 1,282 kuti votimi, sipas të dhënave të fundit nga Komisioni Qendror i Zgjedhjeve.
Partia Socialiste ka siguruar 19 mandate në këtë qark, prej të cilëve 12 janë nga lista e mbyllur dhe 7 nga votat preferenciale të listës së hapur.
Më i votuari deri më tani në listën e hapur është Blendi Gonxhja, i ndjekur nga ministri i Brendshëm Ervin Hoxha dhe më pas Fatmir Xhafaj, Erion Braçe, Antonela Deda dhe Anila Denaj.
Ndërkohë, disa figura të njohura të PS-së si Pandeli Majko, Mimi Kodheli, Olta Xhaçka dhe Etilda Gjonaj rezultojnë jashtë listës fituese për momentin.
Nga ana tjetër, Partia Demokratike ka siguruar 13 mandate, por vetëm një prej tyre vjen nga lista e hapur: Jorida Tabaku, e cila ka marrë mbi 8,600 vota, duke lënë pas Ilir Alimehmetin, i cili mbetet jashtë Kuvendit.
Edhe për partitë e vogla ka zhvillime të rëndësishme:
• Mundësia do të ketë dy deputetë në Kuvend: Agron Shehaj dhe Erald Kapri.
• Nisma “Shqipëria Bëhet” do të përfaqësohet nga Adriatik Lapaj, që ka marrë më shumë vota sesa bashkëkandidati i tij Endri Shabani.
• Lëvizja Bashkë nuk do të përfaqësohet nga Arlind Qori, por nga Redi Muçi, që është i pari në listën e saj.
• Partia Socialdemokrate (PSD) do të ketë një mandat përmes Albana Pëllumbit.
Lista e PS – 19 mandate (12 të mbyllura, 7 nga preferencialet):
• Listë e mbyllur: Edi Rama, Ogerta Manastirliu, Elisa Spiropali, Lindita Nikolla, Taulant Balla, Adea Pirdeni, Albana Koçiu, Igli Hasani, Delina Ibrahimaj, Ilva Gjuzi, Iris Luarasi, Erion Malaj
• Lista e hapur: Blendi Gonxhja (12,856 vota), Ervin Hoxha (9,857), Erion Braçe (8,219), Fatmir Xhafaj (6,765), Ornaldo Rakipi (4,886), Anila Denaj (3,265), Kejsi Elezi (2,716)
Lista e PD – 13 mandate (12 të mbyllura, 1 nga preferencialet):
• Listë e mbyllur: Sali Berisha, Flamur Noka, Albana Vokshi, Belind Këlliçi, Tedi Blushi, Jozefina Topalli, Fatmir Mediu, Edi Paloka, Erisa Xhixho, Mesila Doda, Klevis Balliu, Besart Xhaferi
• Lista e hapur: Jorida Tabaku (8,603 vota)
Partitë e tjera:
• Mundësia – Agron Shehaj, Erald Kapri
• PSD – Albana Pëllumbi
• Nisma “Shqipëria Bëhet” – Adriatik Lapaj (1,112 vota)
• Lëvizja Bashkë – Redi Muçi
Jashtë Kuvendit, të paktën deri në këtë fazë të numërimit, mbeten figura si Ilir Meta, Shpëtim Idrizi, Myslim Murrizi, Asllan Dogjani dhe Arlind Qori.
