Ambasadorja amerikane Yuri Kim sot më 8 Mars, në ditën ndërkombëtare të gruas, ka dhënë një mesazh të qartë për zgjedhjet e 25 Prillit.
Me anë të një postimi në Twitter, diplomatia amerikane shkruan: “ Në Ditën e Grave Ndërkombëtare, gratë që përfaqësojnë vendet tona si ambasadore në Shqipëri u kërkojnë të gjitha grave të votojnë – sepse është e drejta dhe e ardhmja jonë”.
Në videon e publikuar nga ambasadorja amerikane thuhet se “gratë dhe vajzat janë të lira të votojnë për kandidatin e tyre të preferuar. Vota jonë është fuqia jonë, prandaj përdoreni atë”
Kujtojmë se kjo thirrje e ambasadorës Kim vjen vetëm pak javë para zgjedhjeve. Reagimet për 25 Prillin kan qenë të shpeshta, kujtojmë këtu dhe reagimin e fundit drejtuar kryetarëve të partive.
Në një postim, Kim tha se duhen të mëjanohen të gjithë kandidatët me integritet të ulët dhe që janë të lidhur me krimin. Sipas saj, faji do të mbetet mi drejtuesit politik.
8 Marsi i sotëm shënon dhe afatin e fundit të lejuar nga KQZ për regjistrimin final të listave me kandidatët për deputetë të partive politike në vend.
Theksojmë se PS do të jetë e vetëm në garë, ndërsa PD në koalicion me të gjitha partitë e vogla opozitare nën emrin “Shqipëria Fiton”.
