Sot ka përfunduar afati i vendosur nga Gjykata Kushtetuese për Votën e Diasporës nga Kuvendi i Shqipërisë.
Kujtojmë se kjo nismë ligjore është dërguar në Kuvend nga shoqata “Diaspora për Shqipërinë e Lirë”, duke i kërkuar Parlamentit që të bëjë të mundur të drejtën kushtetuese të diasporës për të votuar.
Por, ende Kuvendi nuk ka dalë me një dokument zyrtar dhe veprimtari konkrete ligjore në përputhje me vendimin e zbardhur të Kushtetueses.
Gjykata Kushtetuese shprehet se Kuvendi duhet të plotësojë boshllëkun ligjor, duke i kërkuar në raport me Kushtetutën që Kodi Zgjedhor të përfshijë të drejtën për të votuar emigrantët.
“Gjykata vlerëson se i përket Kuvendit të plotësojë boshllëkun ligjor të lartpërmendur brenda një afati që në rastin konkret konsiderohet të caktohet një vit nga hyrja në fuqi e këtij vendimi”, përcakton vendimi i Gjykatës Kushtetuse.
