Vlerësimi nga DASH i Adrian Dovranit si një ndër 12 personalitet që kanë luftuar krimin, përplasi sërish kryeministrin Edi Rama dhe Presidentn Ilir Meta.
Me anë të një postimi në Facebook, Ram tha se ky është një inkurajim i jashtëzakonshëm për ata persona që luftojnë për Drejtësinë. Më tej Rama shkruan se Dvorani u godit harbutërisht sepse nuk kiu dorëzua të keqes.
“Vlerësimi i lartë i Sekretarit të ri të Shtetit për Ardian Dvoranin, është një inkurajim i jashtëzakonshëm për të gjithë ata që luftojnë për Reformën në Drejtësi në këtë fazë kacafytjeje me të Keqen ku ka hyrë reforma dhe një riafirmim i angazhimit të SHBA në luftën për Reformën! Ardian Dvorani u godit harbutërisht pikërisht se nuk iu dorëzua presionit të së Keqes dhe ky vlerësim rrezatues e shkrin krejt atë baltë imoraliteti politik e mediatik, që u hodh pa kursim mbi të, duke provuar edhe njëherë se e drejta vonon po nuk harron”, shkruan kryeministri.
E menjëhershme ka qenë dhe përgjigja nga Presidenca. Zëdhënësi i presidentit Ilir Meta, Tedi Blushi, e quajti Reformën në Drejtësi si “Ramaformë”, duke shtuar se më 25 prill do të marrë fund pushteti i Ramës.
“O faqezi, Ramaforma jote ngordh më 25 prill me 3 milion shpulla dhe shkelma të shqiptarëve, kundër teje, oligarkëve dhe diplomatëve të korruptuar deri në palcë. SHQIPËRIA E PARA DHE E PAMPOSHTUR!”,shkroi Blushi.
Ndërsa vetë Ilir Meta ishte më i ashpër në reagimin e tij të “koduar”. Presidenti ka shpërndarë një fotot me “grupin” e tij, një grup djeshm duke shëtitur në rrugët e Kombinatit, teksa shkruan me ironi se Shqipëria nuk do të jetë kurrë peng i mafies ndërkombëtare. “25 prill – Shqipëria e shqiptarëve dhe KURRË e oligarkëve dhe mafies ndërkombëtare,”-shkruan Meta.
