Dalin në dritë detaje të reja mbi superoperacionin e policisë Peruane ku ishin të përfshirë dhe aktualisht janë shpallur në kërkim 2 shqiptarë. Indentitetet e këtyre të fundit nuk janë bërë akoma publike nga autoritetet. Kujtojmë se si pasojë e operacionit policia peruane ka sekuestruar plot 16 tonë lëng shpragu të vendosur në kanaçe, prej nga përfitohej sasia prej 2.2 tonë kokainë. Shpragu vinte nga qyteti Trujillo (La Libertad) në Lima dhe do të transportohej në rrugë detare nga Callao në Roterdam, Holandë. Nëse ngarkesa e drogës do të kishte zbritur në Holandë, ajo do të kishte një vlerë prej 160 milionë dollarësh. “Kjo është një goditje e rëndë për trafikun ndërkombëtar të drogës”, tha mbrëmë shefi Dirandro.
Agjentët e policisë kanë ndërhyrë në orën 16 e 45 të pasdites së djeshme në portin e Callaos dhe kanë arrestuar 54-vjecarin Luis Ernesto Ramos Peláez dhe 27-vjecarin Jean Carlos Villanueva Evaristo, bashke-shofer dhe shofer i gjysmërimorkios AFM-721. . Policia arrestoi edhe pesë persona të tjerë, konkretisht në av. Mansiche 1796, Trujillo u arrestua në një kamion Luis Alberto Vásquez Colquier, 44-vjeç. Operacioni u mbikëqyr nga zëvendësprokurori i ekipit të parë të Prokurorisë së Katërt Kundër Korrupsionit të Callaos.
Në Panamericana Norte 562, në sektorin e Moche, u arrestua Ronny Walter Silva León ndërsa Jhon Alexander Esquivel Chávez dhe David Elmer Díaz Villanueva u arrestuan kur po udhëtonin me një automjet, në Trujillo. Ndërkohë Nick Joao Corcuera Hernández, 26-vjeç u arrestua në një ndërtesë në Av. Las Palmas, mz. K-3, banesa Las Palmas, në La Libertad.
