Vjosa Osmani, merr zyrtarisht sot detyrën e Presidentes së Republikës së Kosovës, pa ceremoni shtetërore. Kjo për shkaka të situatës aktuale me pandeminë e COVID-19. Mësohet se ditën e sotme do të organizohen një sërë aktivitetesh, për pranimin e detyrës së re të Presidentes së republikës së Kosovës të cilat do të jenë të përshtatura në zbatim të rregullave të vendosura nga Komiteti Teknik i Ekspertëve në Kosovë.
Në axhendën e publikuar, Presidentja Osmani do të bëj homazhe te varri i Ibrahim Rrugovës dhe Adem Jasharit.
Axhenda e vendosur
CEREMONIA E PRANIMIT TË DETYRËS SË PRESIDENTES SË REPUBLIKËS SË KOSOVËS
Për shkak të situatës aktuale me pandeminë COVID-19 nuk do të organizohet një Ceremoni e Inaugurimit të Presidentes së Republikës së Kosovës. Mirëpo, do të organizohen një sërë aktivitetesh për ta shënuar pranimin e detyrës së Presidentes së Republikës së Kosovës dhe të cilat janë përshtatur me rrethanat.
Në vijim ju prezantojmë agjendën zyrtare të organizuar me këtë rast:
AGJENDA (6 PRILL 2021)
10:00
Arritja e Presidentes së Repubikës së Kosovës, Sh.S. Vjosa Osmani Sadriu. Lokacioni: Përballë Kuvendit të Republikës së Kosovës (Hyrja e parë, Sheshi Ibrahim Rugova)
10:00 – 11:00
Ceremonia e revistës së trupave të Togut Ceremonial të Forcës së Sigurisë së Kosovës
11:00 – 11:30
Presidentja e Republikës së Kosovës, Sh.S. Vjosa Osmani Sadriu, pret në takim ekipin e xhudistëve kampionë.Lokacioni: Kabineti i Presidentes së Republikës së Kosovës, C-101
11:30 – 12:00
Presidentja e Republikës së Kosovës, Sh.S. Vjosa Osmani Sadriu, pret në takim nxënësit e Institutit ATOMI. Lokacioni: Kabineti i Presidentes së Republikës së Kosovës, C-101
12:45
Presidentja e Republikës së Kosovës, Sh.S. Vjosa Osmani Sadriu, e shoqëruar nga Ministri i Shëndetësisë, z. Arben Vitia, viziton Qendrën e Vaksinimit në Prishtinë.Lokacioni: Salla “1 Tetori”, Prishtinë
13:15
Presidentja e Republikës së Kosovës, Sh.S. Vjosa Osmani Sadriu, bënë homazhe te Varri i Presidentit Ibrahim Rugova. Lokacioni: Varri i Presidentit Ibrahim Rugova, Velani, Prishtinë
13:30
Presidentja e Republikës së Kosovës, Sh.S. Vjosa Osmani Sadriu, vendosë buqetë me lule tek Memoriali për nder të të pagjeturve të Kosovës. Lokacioni: Oborri i Kuvendit të Republikës së Kosovës (Hyrja e parë, Sheshi Ibrahim Rugova)
13:40
Presidentja e Republikës së Kosovës, Sh.S. Vjosa Osmani Sadriu, vendosë buqetë me lule tek Monumenti “Heroinat”. Lokacioni: Sheshi i heroinave, Prishtinë
14:30
Presidentja e Republikës së Kosovës, Sh.S. Vjosa Osmani Sadriu, bënë homazhe në Kompleksin Memorial “Adem Jashari”. Lokacioni: Prekaz, Skenderaj
17:00
Presidentja e Republikës së Kosovës, Sh.S. Vjosa Osmani Sadriu, pret në takim Komandantin e Forcës së Sigurisë së Kosovës, gjenerallejtënant Rrahman Rama dhe gjeneralët e FSK-së. Lokacioni: Kabineti i Presidentes së Republikës së Kosovës, C-101
