Krejt papritur brenda pak ditësh Kruja u kthye në një vatër infeksioni dhe shkak janë bërë fasoneritë, ku puna jo vetëm që ka vazhduar, por nuk janë respektuar rregullat e posaçme dhe punonjësit janë detyruar të punojnë në kushte skandaloze.
Së fundmi, situata është përkeqësuar më tej, pasi shtatë raste të reja me kononavirus janë konfimuar mbrëmjen e kësaj të mërkure në Krujë duke e çuar në 65 numrin e të infektuarve në këtë qytet.
6 prej tyre janë punonjëse në një fasoneri, ndërsa personi tjetër është një rast që e ka marrë infeksionin nga familjari që ndodhet i shtruar tek spitali Infektiv në Tiranë shkruan Abc News.
Ditën e sotme në Krujë u raportuan 18 raste të reja me koronavirus, ku të gjithë të infektuarit e kanë marrë virusin nga vatra kryesore e infeksionit në vend që është fasoneria e prodhimit të këpucëve.
Ndërkohë, deri më tani në vendin tonë janë konfirmuar pozitive 634 raste dhe 27 qytetarë kanë humbur jetën nga koronavirusi.
