Vijon numërimi i zarfeve të diasporës në zgjedhjet parlamentare të 11 majit, ndërsa Partia Socialiste e Shqipërisë vazhdon të ruajë avantazhin e ndjeshëm, duke konsoliduar pozicionin si forca kryesore politike në vend.
Me rreth 50 mijë zarfe që mbeten për t’u numëruar, PS ka arritur të sigurojë deri tani 811.322 vota, që përbëjnë 52.3% të totalit të votave të deritanishme.
Në vend të dytë renditet koalicioni Partia Demokratike – Aleanca për Shqipërinë Madhështore, me 522.462 vota, ose 33.7% të rezultatit të përgjithshëm.
Forca e tretë në rang kombëtar është Nisma Shqipëria Bëhet, e cila ka marrë 61.084 vota, duke përbërë 3.9% të totalit.
Ndërkaq, Partia Social Demokrate ka siguruar 49.499 vota, që përkthehen në 3.2% të mbështetjes elektorale.
