Replikat në distancë mes kryedemokratit Basha dhe kryeminstrit Edi Rama nuk kanë të ndalur.
Pak më parë Rama shkruajti në Twitter se nuk ka ende asnjë marrëveshje me Greqinë sa i përket detit, madje sipas tij negociatat kanë ndaluar që prej ndryshimit të qeverisë greke.
Por diçka e tillë nuk e ka bindur kreun e Partisë Demokratike Lulzim Basha, i cili me anë të një postimi në Twitter shkruan se Rama duhet të bëj transparencë, pasi ky i fundit nuk është thjesht i lagur, je i mbytur në detin e marrëveshjeve të fshehta në kurriz të shqiptarëve.
“Po ta përsëris Edi Rama, bëj transparencë e mos u fshih pas gërrvërreve bajate. As servilët e fundit që të kanë mbetur nuk qeshin me to. Nuk je thjesht i lagur, je i mbytur në detin e marrëveshjeve të fshehta në kurriz të shqiptarëve”, shkruan Basha.
Ky lumë replikash midis kreut të opozitës dhe kryeministrit, erdhi pasi pasditen e sotme Partia Demokratike me anë të një deklarate, i kërkoi qeverisë transparencë dhe informim mbi zgjerimin me 12 milje të Greqisë në detin Jon.
Po ta përsëris Edi Rama, bëj transparencë e mos u fshih pas gërrvërreve bajate. As servilët e fundit që të kanë mbetur nuk qeshin me to. Nuk je thjesht i lagur, je i mbytur në detin e marrëveshjeve të fshehta në kurriz të shqiptarëve.
— Lulzim Basha (@lulzimbasha_al) August 28, 2020
