Tërmeti me magnitudë 4.2 të shkallës Rihter që goditi Shqipërinë në orët e para të mëngjesit të së martës është pasuar nga 12 paslëkundje, sipas të dhënave të Qendrës Europiane të Sizmologjisë.
Lëkundja më e fortë pas goditjes kryesore u regjistrua me magnitudë 3.2 dhe ndodhi pranë epiqendrës së tërmetit fillestar.
Damiano Koxhaj nga Instituti Shqiptar i Sizmologjisë bëri të ditur se përpara tërmetit kryesor janë shënuar edhe 27 paragoditje me intensitet të ulët, të cilat janë regjistruar në mënyrë të zakonshme nga rrjeti sizmik.
Sipas tij, pasgoditjet janë pjesë normale e aktivitetit sizmik që pason një tërmet të tillë dhe nuk paraqesin rrezik për popullatën. Ai shtoi se prania e këtyre lëkundjeve tregon se zona po i rikthehet gradualisht stabilitetit.
Koxhaj theksoi se nuk ka arsye për panik, pasi situata është në kontroll dhe monitorohet në kohë reale nga institucionet përkatëse.
