Ditën e sotme kanë ardhur në Shqipëri 260 ushtarë amerikanë në kuadër të stërvitjes “Defender 21”. Yuri Kim e ka quajtur këtë një ditë emocionuese dhe ka thënë se kjo stërvitje përveç përfitimit ushtarak, sjell me vete punë dhe përfitim ekonomik.
“Është një ditë emocionuese. Jemi këtu për të parë ardhjen e trupave amerikane që vijnë në Shqipëri për stërvitjen më të madhe të bërë në këtë rajon. Shqipëria është mikpritësi kyç nga të gjithë vendet e Ballkanit. Kjo është historike. Dua të nënvizoj se kjo stërvitje përveç përfitimi ushtarak sjell me vete punë dhe injektimi në ekonominë. SHBA ka shpenzuar 35 mln dollarë për punësimin e shqiptarëve si shoferë, punëtorë ndërtimi apo kuzhinierë. Ne do të kemi më shumë se 6000 ushtarë amerikanë këtu, jo të gjithë njëherësh por herë pas herë”, tha ambasadorja.
Shefi I shtabit të përgjithshëm të Forcave të Armatosura, Bajram Begaj e ka quajtur këtë gjithahstu një stërvitje historike, jo vetëm për ushtrinë, por edhe për vendin tonë.
“Është një stërvitje historike një stërvitje që për herë të parë ndodh në Shqipëri sot pritëm 267 trupa amerikanë të cilët janë pjesë e kësaj stërvitje të madhe. Është një stërvitje komplekse që përfshin në fushën ajrore, tokësore dhe detare. Sot pjesë e ekipit të forcës tokësore që do të bëhet në Bizë është edhe pjesa e ushtarëve që mbërritën sot që do të zhvillohet në Bizë. Është një ngjarje historike, jo vetëm për ushtrinë por edhe për vendin tone”, tha Begaj.
