Militantët e partive janë përplasur me njëri -tjetrin pasi dy ,liderët politikë shkuan në të njëjtën kohë në Elbasan me rastin e Ditës së Verës.
Këtë të diel kryeministri Edi Rama dhe kreu opozitar Lulzim Basha kanë vizituar të dy Elbasanin në kuadër të festimeve për Ditën e Verës.
Kjo ka bërë që në qendër të mblidhen simpatizantët e të dyja partive më të mëdha në vend, duke çuar deri në agravim të situatës.
Mbështetësit socialistë dhe demokratë janë përfshirë në një sherr masiv mes njëri-tjetrit. Deri më tani shkaku i përleshjesh nuk duhet me saktësi.
Ajo që bie në sy nga pamjet e trasmetuara janë grumbillime të mëdha njerëzish në kohë pandemie. Edhe pse policia paralajmëroi shtrëngim masash, duket se prania e dy liderve politikë ka ndikuar në shkeljen e masave të marra.
Kujtojmë se mëngjesin e sotëm, Rama u ndodh në një situatë të sikletshme. Gjatë kohës që kalonte në sheshin në hyrje të Portës së Kalasë është përballur me thirrjet “Rama ik” të disa simpatizantë të PD. Ata kanë vijuar me thirrjet për minuta të tëra, ndërkohë që mes tyre dhe mbështetësve të PS që shoqëronin Ramën ka pasur edhe përplasje verbale, por fatmirësisht pa incidente.
Kujtojmë se edhe dje u vu re një rast i ngajshëm me këtë të satmin, ndërsa Rama vizitoi në shkollën “4 Dëshmorët” në kuadër të nisjes së vaksinimit të mësuesve.
