Pas kontrolleve të policisë me radar në rrugën Tiranë-Elbasan mbrëmjen e së shtunës janë hequr 9 Leje Drejtimi.
Sipas policisë shumë shoferë kanë shkelur rregullat e qarkullimit duke ecur tej normave të lejuara, dyfishin e tyre.
Në një kohë kur rruga ishte me trafik të plotë shoferët ecnin me shpejtësi që varionte nga 139 km/h deri në 166 km/h shpejtësi kjo e dyfishuar nga ajo normalja për një rrugë të tillë.
https://www.facebook.com/1502420603377639/posts/2775926832693670/?vh=e
Gjithashtu policia u ka bërë thirrje shoferëve të mos neglizhojnë rregullat e qarkullimit rrugor pasi pasojat janë fatale dhe të parikuperueshme për vetë ata por edhe përdoruesit e tjerë të rrugës.
Postimi i plotë nga policia
“Vijon të ndodhë në rrugën interurbane Tiranë-Elbasan. Pas heqjes së masave kufizuese si pasojë e COVID-19, Policia Rrugore në të gjithë vendin ka shtuar kontrollet duke përdorur dhe bazën logjistike me qëllim parandalimin e aksidenteve rrugore. Aktualisht në Segmentin Sauk-Teg, vijon kontrolli me Radar 📸, nga Policia Rrugore e Tiranës, për të parandaluar aksidentet rrugore si pasojë e shpejtësisë mbi normat e lejuara.
Prej katër orësh kontroll, duke u stacionuar me Radar në mbikalime dhe me patrulla mbështetëse në aksin rrugor, janë evidentuar 9 drejtues mjetesh të cilëve u është tërhequr Leja e Drejtimit dhe do dërgohen në OASH, pasi qarkullonin me shpejtësi gati dyfishin e normës së lejuar, shpejtësi që varionte nga 139 km/h deri në 166 km/h, në një orar ku rruga ishte me trafik të plotë dhe rreziku për t’u përfshirë në ngjarje rrugore është i madh. Mos nxitoni për të arritur fundin🚑, apo 📸✍👮🏻♀, vetëbesimi i tepruar dhe neglizhenca ndaj kufizimeve dhe rregullave të qarkullimit rrugor, mund të sjellë pasoja fatale dhe të pariparueshme për ju dhe përdoruesit e tjerë të rrugës”, shkruhet në njoftimin e dhënë nga policia.
