Përballë forcave të natyrës njeriu dhe veprat e tij janë fare të papërfillshme dhe të pafuqishme.
E tillë ishte edhe ngjarja që ndodhi një vit më parë në Shqipëri, ku një tërmet i përmasave të mëdha shkundi diza zona të vendit dhe shkatërroi pallate dhe godina në fare pak sekonda lëkundje.
Si sot një vit më parë Shqipëria u zgjua nga tërmeti tronditës, ndër më të fuqishmit në histori, që la pas dhimbje të pafundme.
Mjaftuan rreth 50 sekonda lëkundje me magnitudë 6.4 të shkallës rihter për të rrënuar qindra ndërtesa, e për t’iu marrë jetën 51 personave.
Ishte ora 03:56, kur gjithçka nisi të lëkundej e të shkatërrohej, duke krijuar panik e plagë, që mbeten ende sot të pambyllura për shumë njerëz.
Kjo video kujton edhe njëherë momentet e tërmetit tragjik, ku siç shihet në pamje, toka dhe gjithçka mbi të lëkundet në mënyrë të frikshme.
Tërmeti zgjati rreth 50 sekonda, ndërsa la pas 51 viktima, qindra të plagosur dhe mijëra njerëz pa një çati mbi kokë.
/GazetaReforma.com/
