Vetëvrasjet që ndodhën gjatë verës në spitalin “Shefqet Ndroqi” ku merrnin trajtim pacientët e infektuar me COVID-19 tronditën mbarë opinionin publik.
Në lidhje me këtë temë ka folur mbrëmjen e sotme në emisionin “Zonë e Lirë” mjeku Pëllumb Pipero.Gjatë fjalës së tij Pipero tha se vetëvrasjet ndodhin për shkak të mosoksigjenimit të trurit, duke shtuar se edhe një pacient i tij ka tentuar vetëvrasjen por është ndaluar në kohë.
Epidemiologu është shprehur se edhe një pacient i tij ka tentuar vetëvrasjen por për fat është ndaluar në kohë.
“Mund të ndodhë kudo. Mund t’ju them eksperiencën e një pacient timin. Shkoi amanetet dhe e tentoi vetëvrasjen. Truri nuk u oksigjenohet. Mos e përjetoni si dramë. Mos kini panik dhe frikë. Bashkë me mjekun mund ta kaloni lehtë sëmundjen,”– tha Pipero.
Kujtojmë se më 02 shtator në spitalin Shefqet Ndroqi një pacient humbi jetën duke u hedhur nga katit i katërt i këtij. Viktima ishte Hasan Miri 65-vjeç, vjehrri i ish-deputetit socialist, Gjetan Gjetani i cili u zgjodh nga PS në 2017, por më pas kaloi me LSI.Vjehrri i Gjetanit, Miri ishte nga Kruja, kishte disa ditë i shtruar, dhe ishte në gjendje të rëndë jo i intubuar, por në gjendje të rënduar psikologjike.
Ndërkohë më 13 gusht,një 29-vjeçar u hodh nga kati i tretë i këtij spitali, në gjendje të rënduar psikologjike, ku për pasojë ndërroi jetë.Viktima është Xhino Koça i cili ndodhej i shtruar në spital prej disa ditësh pasi kishte rezultuar pozitiv me Covid-19, ndërsa në rrethana tronditëse mëngjesin e 13 gushtit në orën 04:30 u hodh nga kati i tretë i spitalit.
