Menjëherë sapo u publikua lajmi se një tjetër pacient vrau veten duke u hedhur nga një prej dritareve të Sanatoriumit, në rrjetet sociale ka shpërthyer rrevolta e qytetarëve e shoqëruar kjo edhe me meme tallëse ndaj qeverisë.
Në këtë mënyrë, java nisi sërish me lajme tragjike, të cilat nuk kanë fund në këto ditë.
Janë pesë të vetëvrarë nëpër spitalet Covid, ndërkohë që akoma nuk ka asnjë hetim të plotë për këtë situatë.
60-vjeçari i sotëm është rasti i pestë në spitalet COVID Tiranës, që i jep fund jetës tragjikisht duke u hedhur nga lartësia.
Vetëm tre javë më parë te spitali “COVID-1” (Infektivi), u vetëvra pacienti 69-vjeçar nga Fieri, Reshit Grembi. Ai u hodh nga kati i tretë i spitalit ku ishte shtruar prej dy ditësh për t’u kuruar nga koronavirusi.
Tre vetëvrasjet e tjera të mëparshme, janë regjistruar te spitali COVID-2, “Shefqet Ndroqi”.
Rasti i parë ndodhi në muajin gusht. Bëhet fjalë për 29-vjeçarin Xhino Koça. Më pas, një tjetër ngjarje e rëndë u regjistrua në shtator ku humbi jetën Hasan Mira rreth 65 vjeç. Ky i fundit ishte vjehrri i deputetit të PS në Kurbin, Gjetan Gjetani.
Rasti i tretë u regjistrua në nëntor, më konkretisht më 1 nëntor. Ishte 53-vjeçari me iniciale Preng Gjonaj nga Tropoja, i cili në kushte të rënduara psikologjike zgjodhi t’i jepte fund jetës në mënyrën më tragjike.
Nga ana tjetër, rrjetet sociale kanë shpërthyer me zemërim pas ngjarjes së fundit.
Ndiqini më poshtë disa meme:
/GazetaReforma.com/
