Forumi Ekonomik për Bashkëpunim Rajonal është duke u mbajtur sot në Shkup me pjesëmarrjen e kryeministrit Edi Rama, atij maqedonas Zoran Zaev dhe presidenti serb, Aleksandër Vuçiç.
Ky i fundit në fjalën e tij nuk i ka kursyer as disa “thumba për Kosovën, që e ka kundërshtuar me forcë samitin dhe sot nuk merr pjesë. Vazhdimisht Vuçiç ka përsëritur se Serbia dhe Shqipëria kanë vendosur të shohin nga e ardhmja, pavarësisht se nuk kanë qenë të afërta dhe kanë pasur probleme të ndryshme. Vuçiç është shprehur se dy vitete e fundit dy vendet kanë zhvilluar besim të sinqertë. Ai e theksoi se e kaluara duhet të lihet pas krahëve dhe të shihet vetëm nga e ardhmja.
Kujtojmë që në takimin mes kryeministrit të Kosovës, Albin Kurti dhe Aleksandër Vuçiçit, Kurti kërkoi që Serbia të pranonte të kaluarën dhe krimet e luftës, gjë që u kundërhstua me forcë nga presidenti serb.
“Kur e nisëm këtë iniciativë të gjithë ne, përkatësisht secilit nga ne na u duk se është diçka e mirë për të ardhmen dhe se do ndryshojë gjërat në Ballkan. Shumë lehtë i gjenim mangësi njëri-tjetrit dhe gjenim arsye për mosmarrëveshje. Vlerësuam se do ishte shumë mirë për ata që kanë qenë më të afërtit. Serbia dhe Shqipëria nuk kanë qenë të afërta dhe kishim probleme të ndryshme, megjithatë vendosëm fokusin nga e ardhmja që t’u lëmë diçka atyre që vijnë pas nesh. Dy vitet e kaluara kemi zhvilluar një besim të sinqertë mes nesh në kuptim të zhvillimit të marrëdhënieve në rajon dhe qasjen drejt Europës… Të kaluarën duhet ta lëmë mbrapa e të shohim drejt së ardhmes”, ka thënë Vuçiç.
Presidenti serb ka folur gjithashtu edhe për vendimet që do të vijnë pas takimit të sotëm, duke bërë me dije se nga 1 janari i vitit 2023, mes tre vendeve nuk do të ketë kufij dhe gjithashtu në një system të vetëm do të rritet siguria për qytetarët.
