Ministrja e Shëndetësisë Ogerta Manastirliu, ka firmosur urdhrin për hyrjen në fuqi menjëherë të vendimeve të Komitetit Teknik të Ekspertëve për masat e reja anti-covid.
Ministria e Shëndetësisë ka publikuar edhe dokumentin e firmosur me numër protokolli zyrtar, pas vendimit të Komitetit Teknik të Ekspertëve, dokument ky i firmosur nga Manastirliu. Në urdhërin e firmosur, parashikohet edhe ndalimi i grumbullimeve me më shumë se 10 persona në vende të hapura dhe të mbyllura.
“Ndalohen grumbullimet me më shumë se 10 persona të vende të mbyllura apo të hapira, konferencat, tubimet, mbledhjet partia, ceremonitë e festave, ceremonitë martesore dhe organizimet përtej familjare të ceremonive mortore deri në një urdhër të dytë”, thuhet në vendimin e ministres, nr. 5139.
Sakaq Urdhri i firmosur ka hyrë në fuqi menjëherë dhe është publikuar në Fletore Zyrtare.
Me anë të një postimi në rrjetet sociale, Manastirliu i ka bërë apel qytetarëve që të zbatojnë rregullat dhe të bëhen bashkë që të arrijnë të mposhtin këtë sëmundje të rrezikshme./Gazetareforma.com/
