Pentagoni nuk do të bëjë një përjashtim për të lejuar instalimet ushtarake amerikane të mbajnë flamuj LGBT në qershor, duke mbajtur një politikë të vendosur nga Donald Trump që kufizonte llojin e flamujve që mund të valëviten në baza, bën me dije The Guardian.
Ditë para njoftimit, presidenti i SHBA Joe Biden tha se gati 1,500 të emëruar nga agjencia e tij federale identifikohen si lezbike, homoseksuale, biseksuale, transgjinore dhe queer, në një shpallje që shënon fillimin e muajit të krenarisë për komunitetin LGBTQ.
Në korrik të vitit 2020, Pentagoni i Trump lëshoi një politikë që autorizonte vetëm flamuj të caktuar në instalimet ushtarake dhe u pa si një mënyrë që sekretari i atëhershëm i mbrojtjes Mark Esper të lëshonte një ndalim de facto të shfaqjes së flamurit të Konfederatës pa u përmendur posaçërisht.
“Nuk do të ketë një përjashtim të bërë këtë muaj për flamurin e krenarisë”, tha zëdhënësi i Pentagonit John Kirby.
Ai tha se vendimi u mor sepse mund të hapte derën për sfida të tjera për rregullin e vendosur në korrik.
“Kjo në asnjë mënyrë nuk reflekton ndonjë mungesë respekti ose admirimi për njerëzit që (vijnë nga) komuniteti LGBTQ +, personeli brenda dhe jashtë uniformës që shërbejnë në këtë departament”, shtoi Kirby. “Ne jemi krenarë për ta.”
Një studim i vitit 2015 RAND zbuloi se 5.8% e anëtarëve të shërbimit identifikoheshin si, homoseksual/e ose biseksual/e.
Në ditën e tij të parë në detyrë, Biden nënshkroi një urdhër ekzekutiv që drejtonte agjencitë federale për të mbrojtur personat LGBTQ sipas të gjitha ligjeve federale që ndalojnë diskriminimin bazuar në seks. Biden gjithashtu ndryshoi një ndalim për personat transgjinorë që rekrutohen dhe shërbejnë hapur në ushtri.
