Gjykata e Apelit të Durrësit ka rrëzuar kërkesën e Shoqërisë Civile, e cila kishte ngritur padi ndaj kreut të Bashkisë Durrës, Vangjush Dako, për rastin e “Velierës”.
Sipas Apelit Dako nuk ka konsumuar asnjë vepër penale me rastin e ndërtimit të “Velierës”.
Edhe gjykata e shkallës së parë kishte dalë më herët në këtë përfundim, por Shoqëria Civile e kishte ankimuar në Apel.
Çështja e “Velierës” ka më shumë se dy vite që po endet dyerve të gjykatave dhe nuk po merr zgjidhje. Disa shoqata të Shoqërisë Civile e kundërshtojnë këtë projekt, pasi sipas tyre janë shkelur disa ligje dhe dëmtohet trashëgimia kulturore.
Më herët, Prokuroria e Durrësit kishte mbyllur hetimet për çështjen “Veliera” dhe i kërkoi gjykatës të pushojë çështjen. Burime nga prokuroria thonë se nuk janë konstatuar shkelje procedurale.
