Gjykata e Posaçme Anti-Korrupsion do të zhvillojë nesër seancën për shqyrtimin e masës së sigurisë për kryetarin e bashkisë së Tiranës, Erion Veliaj, i cili u arrestua dje me kërkesë të SPAK. Seanca do të mbahet në orën 8:30 të mëngjesit.
Kryebashkiaku u arrestua nga Agjentët e Byrosë Kombëtare të Hetimit, ndërsa gjykata vendosi masën e sigurimit “arrest me burg”.
“Duke patur parasysh interesin që ka në media dhe në publik procedimi penal nr. 27, i vitit 2024, rregjistruar nga Prokuroria e Posaçme kundër Korrupsionit dhe Krimit të Organizuar, në ngarkim të personave nën hetim Erjon Veliaj, etj…, ju njoftojmë se seanca e marrjes në pyetje për personat nën hetim Erjon Veliaj, Ajola Xoxa, Elman Abule, Gentjan Sula, Meriman Palushi, Fatmir Bektashi dhe Shkëlqim Fusha për të verifikuar kushtet dhe kriteret e caktimit të masës dhe nevojat e sigurimit është caktuar me datë 12.02.2025, ora 08:30“, sipas njoftimit.
