Gjatë mbrëmjes së djeshme, në qytetin e Lezhës u regjistrua një aksident i rëndë, teksa humbën jetën dy persona, drejtuesi e mjetit K.M 24 vjeç dhe pasagjerja A.A.
Njoftimi i policisë:
Lezhë/Informacion paraprak Në rrugën e Talës, Lezhë, automjeti tip “Pegeot ” me drejtues shtetasin K.M., 24 vjeç ka dalë nga rruga, ku si pasojë ka humbur jetën drejtuesi i mjetit dhe pasagjerja në automjet shtetasja A.A. Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
Mësohet se Kristjan Magjuni, mbeti i vdekur këtë të shtunë në aksidentin e ndodhur në rrugën e Talës në Lezhë bashkë me të fejuarën e vëllait të tij, Atjola Ademi vetëm 16 vjeç.
Makina tip “Pegeot ” me të cilën po lëviznin, ku drejtues ishte 24-vjeçari ka humbur kontrollin duke u përplasur me murin ndarës të një shtëpie. Përplasja ka qenë fatale, teksa pjesa e xhamit të përparmë është bërë copash bashkë me anën e majtë të makinës.
Ata ishin nisur drejt Talës, ku edhe familja e djalit banonte, për të festuar Krishtlindjet, por kjo nuk ndodhi pasi humbën jetën në aksident.
Kristjan Magjuni dhe Atjola Ademi ndërruan jetë në ditën më të rëndësishme të besimtarëve të krishterë, Krishtlindjen, e cila ishte e fundit për të rinjtë.
