Gazion Rusi, 39 vjeç, ndërroi jetë sot si pasojë e infektimit me koronavirus. Mësues në Medresenë e Shkodrës, ndarja nga jeta e Rusit ka shkaktuar shumë reagime nga miq dhe të njohur të tij, të cilët shprehin keqardhjen për largimin e parakohshëm të 39 vjeçarit.
Redi Shehu, analist në media, është një prej atyre që ka reaguar duke vlerësuar kontributet e Rusit.
“Gazion, miku dhe vëllai im! Të qoftë rruga e mbarë drejt mëshirës së Zotit të Plotfuqishëm. Të Atij jemi dhe te ai do të kthehemi. Sigurisht që ti e di më mirë se unë këtë. Zemrat na u copëtuan, por vetëm themi se me Zotin tonë jemi të kënaqur. Një virus nuk është asgjë para punëve të tuaja dhe shembullit tënd. E mbylle rrugëtimin e kësaj bote duke qenë në të drejtën dhe në të mirën. Sa fat i madh për ty! Sa shpresë e mirë për ne”, shkraun Shehu.
Baba i 3 fëmijëve, Gazion Rusi kishte kërkuar ndihmë për t’u mjekuar në Turqi dhe për këtë i nevojitej shuma prej 55 mijë euro. Deri mbrëmë, kur 39 vjeçari ishte në jetë ishin mbledhur 27 mijë euro.
