Nënkryetari i Lëvizjes Socialiste për Integrim me anë të një postimi në rrjetet sociale ka reaguar sërish lidhur me situatën e COVID-19 në vendin tonë. Vasili akuzon kryeministrin e vendit, Edi Rama për mungesë vëmendje ndaj situatës me pandeminë, që sipas tij është alarmante.
Duke iu referuar shifrave zyrtare, Vasili shkruan se rëndimi i situatës është kritik dhe shumë serioz edhe në vendet fqinje, nga hynë dhe dalin qindra qytetarë të vendit tonë. Vasili vazhdon më tej duke thënë se në mënyrë të patolerueshme dhe të rrezikshme, kjo situatë alarmante po përcillet sikur është rutinë ndërkohë, që eskalimi i saj është fakt.
Postimi i plotë i Petrit Vasilit
Situatë alarmante me Covid, kryeministri vazhdon monologjet afgane!
Sot rastet e reja me Covid në Shqipëri vazhdojnë rritjen e pandalshme dhe numri arriti në 535 raste.
Asnjë mase konkrete, asgjë fare.
Kryeministër nuk ka Shqipëria, por ka thjesht një llafazan gazetash.
Kosova kishte sot 2250 raste ndërsa
Maqedonia 1074 dhe 24 vdekje.
Pra rëndimi i situatës është kritik dhe shumë serioz edhe në vendet fqinje nga hyjnë e dalin mijëra qytetarë.
Po e paralajmërojmë çdo ditë me shifra, fakte dhe me argumente profesionale.
Por në të kundërt në mënyrë të patolerueshme dhe të rrezikshme, kjo situatë alarmante po përcillet sikur është rutinë ndërkohë, që eskalimi i saj është fakt.
Media ju lutem mbani vëmendjen kryesore te Covidi që merr jetët e shqiptarëve dhe sakaton shëndetin e tyre.
Media boll u morët me monologjet afgane idiote të Edi Ramës.
Po nuk u ndërhy shpejt dhe energjikisht për Covidin sot vjeshta dhe dimri do të jenë tragjike si ato të vitit që shkoi.
Shqipëria nuk meriton më viktima të tjera të shoqëruar me propagandë justifikuese kriminale.
