Duket se nuk do shpëtojmë lehtësisht nga Covid-19, pasi tashmë është shfaqur një variant i ri në SHBA dhe Evropë.
Organizata Botërore e Shëndetësisë tha se ka identifikuar pacientë me COVID-19 të cilët kishin një version hibrid të koronavirusit që kombinon variantin delta dhe omicron – të quajtur “deltacron“.
Bëhet e ditur se janë rreth 17 pacientë në Shtetet e Bashkuara dhe Evropë kanë variante të COVID-19 që përziejnë delta dhe omicron.
Tre nga pacientët kishin një version të COVID-19 që kishte proteinën nga omicron me “trupin” e variantit delta, sipas studimit , i cili u bë nga kompania kërkimore Helix.
William Lee, zyrtari kryesor i shkencës në Helix tha se nuk ka asnjë arsye për panik për variantin “deltacron” pasi rastet mbeten të ulëta.
“Fakti që nuk ka aq shumë, që edhe dy rastet që pamë ishin të ndryshme, sugjeron se ndoshta nuk do të ngrihet në një variant të nivelit të shqetësimit,” tha ai për USA Today.
Kujtojmë që para një muaji Organizata Botërore e Shëndetësisë është shprehur se numri i rasteve të të infektuar me COVID-19 ra në 17% në mbarë botën gjatë javës së kaluar, duke përfshirë një rënie prej 50% në SHBA, ndërsa numri i jetëve të humbur nga COVID-19 ra me 7%.
Raporti javor epidemiologjik nga agjencia shëndetësore e OKB-së i publikuar të mbrëmjen e djeshme tregon se varianti Omicron është gjithnjë e më dominues- duke përbërë gati 97% të të gjitha rasteve të të numëruara nga platforma ndërkombëtare e gjurmimit të viruseve e njohur si GISAID.
