Presidentja e Komisionit Europian Ursula Von Der Leyen ishte ditën e sotme në Bruksel ku foli për situatën me të cilën po përballet Europa dhe jo vetëm. Gjatë fjalës së saj Von der Leyen tha se disa gjëra në valën e parë u bënë në mënyrë korrekte por hapja e shpejtë dhe lehtësimi i masave solli një rritje të shpejtë dhe valë të dytë.
“Shumë gjëra u bënë në mënyrë korrekte në valën e parë, por strategjitë e hapjes ishin shumë të shpejta. Masat u lehtësuan shumë shpejt dhe kjo është arsyeja pse ekziston vala e dytë, të cilën ne as nuk e dimë nëse do të jetë e fundit”.
Der Leyen premton se BE do të jetë në gjendje të vaksinojë 700 milionë njerëz me një diapazon prej 20-50 milion doza të shpërndara çdo muaj në bazë të marrëveshjeve me kompanitë farmaceutike.
“Në skenarin më të mirë të mundshëm marrëveshjet për blerjen paraprake të vaksinave anti-Covid “që kemi me kompanitë farmaceutike parashikojnë një varg midis 20-50 milion doza të shpërndara çdo muaj, kur kompanitë e para të jenë gati. Nëse të gjithë kandidatët që kemi për prodhimin e vaksinave janë të suksesshëm, në 2021 do të kemi 1 miliard e 220 milionë vaksina. Por edhe nëse të gjithë kandidatët dështojnë, ne do të jemi në gjendje të vaksinojmë 700 milion persona “, shtoi presidentja e Komisionit Europian.
