Shkencëtarët kanë lajmëruar se tashmë ekziston dhe versioni hibrid i coronavirusit. Rasti i parë dhe i vetëm deri më tani është gjetur në Kaliforni, pasi variant britanik dhe një variant tjetër i gjetur në SHBA u bashkuan brenda trupit të një personi të infektuar.
Sipas shkencëtarëve ky është një lajm i keq për shëndetësinë, pasi vaksinat ekzistuese mund të dalin jashtë funksionit.
Edhe pse jemi njohur me disa nga mutacionet, ky variant nuk është i njëjti. Hibridi u krijua nga varianti Kent Covid, i njohur shkencërisht si B.1.1.7 – dhe një variant kalifornian i quajtur B.1.429. Shkencëtarët shpjegojnë se varianti britanik me variantin kaliforinan u bashkuan në një “ngjarje kombinimi”.
Sipas tyre kjo ndodh kur dy versione të ndryshme të virusit infektojnë të njëjtën qelizë dhe më pas shkëmbejnë gjenet, ndërsa janë duke u riprodhuar, duke krijuar kështu variantin e ri.
Disa prej ekspertëve në SHBA pranuan se kombinimi ishte ‘i rrezikshëm’ sepse mund të ndryshonte natyrën e virusit kaq papritur.
Kujtojmë se prej muajsh në Britani qarkullon një variant i ri i Covid 19, i cili u noh gjerësisht me emrin si varianti britanik.
Së bashku me variantin e ardhur nga Afrika e Jugut, njihen si dy nga mutacionet më të rrezikshëm dhe më infektues se vetë virusi origjin.
