Kryeministri Edi Rama, ka deklaruar se vaksinimi kundër koronavirusit do të nisë ditën e nesërme.
Me anë të postimi në rrjetin social Facebook, Rama deklaroi se erdhi një lajm i mirë për Shqipërinë, pasi ditën e mesërme do të nisë vaksinimi anti-covid.
Postimi i plotë:
“LAJM I MIRË Shqipëria Buzëqesh. Nesër nisim vaksinimin anti-Covid-19. Punë-Jo-Gjumë”, shkruan Rama në Facebook.
Kreu i qeverisë ka njoftuar më herët se Shqipëria ka siguruar 500,000 doza të vaksinës anti-Covid, nga kompania Pfizer, ndërsa ishte parashikuar që vaksinimi të niste në javën e tretë të janarit.
Nuk përjashtohet mundësia që vaksinimi nesër të kryhet me dozat e siguruara nga shtetet mike që mund t’i kenë ardhur në ndihmë vendit tonë, pas bisedimeve mes qeverive.
“Jam besim plotë dhe ndërkohë jemi në komunikim me disa shtete mike”, ka deklaruar Rama rreth tre javë të parë kur u pyet nga gazetarët në lidhje me sigurimin e vaksinës anti-Covid.
Kujtojmë se kategoritë e para që do të vaksinohen janë mjekët, infermierët, moshat e treta dhe efektivë e policisë.
Opozita më herët e akuzoi kryeministrin Rama se ky i fundit po genjente në lidhje me dozat e marra të vaksinës anti-covid dhe se po tentonte të fitonte kohë në lidhje me to. Për këtë arsye sipas opozitës Rama u bë lypës në qeveritë e rajonit për të marrë vaksinat të cilat qeveria e tij nuk ishte e aftë të bënte marrëveshjen me kompanitë e mëdha të prodhimit të vaksinave./Gazetareforma.com/
