Shkon në 850 numri i të prekurve nga COVID-19 në vendin tonë.
Gjatë 24 orëve të fundit janë kryer 238 testime, ku janë konfirmuar pozitiv 8 raste.
Harta e COVID-19 zgjerohet me 3 raste në Tiranë, 2 në Krujë, 1 në Shkodër, Kamëz dhe Fier.
Që nga fillimi i epidemisë numërohen 620 të shëruar, ndërsa vetëm 199 janë pacientë aktiv.
Në dy spitalet COVID janë shtruar 30 pacientë, 5 prej të cilëve në terapi intensive.
Në spitalin e Neurokirurgjisë janë kryer 18 testime, pas pacientit të konfirmuar ditën e djeshme.
Për fat të mirë, të gjithë pacientët dhe bluzat e bardha kanë rezultuar negativ.
