Është identifikuar dhe shpallur në kërkim organizatori i vrasjes së tre-fishtë në Elbasan (29 dhjetor 2018). Qosja është arratisur më herët në Dubai dhe gjendet nën mbrojtjen e disa personazheve të njohur të nëntokës në Elbasan që njihen si “grupi i Dubait”.
“Si rezultat i hetimeve të kryera, nga Seksioni për Hetimin e Krimeve Kundër Personit në Drejtorinë Vendore të Policisë Elbasan u bë shpallja në kërkim ndërkombëtar e autorit të dyshuar, shtetasi:
M. Q., 35 vjeç, i dyshuar për veprat penale “Vrasje në rrethana të tjera cilësuese” e kryer në bashkëpunim dhe “Armëmbajtja pa leje“, bën me dije policia.
Bëhet fjalë për shtetasin Markelian Qosja. Ai akuzohet nga policia për vrasje dhe armëmbajtje pa leje bazuar në provat e mbledhura nga Prokuroia e Elbasanit.
Ngjarja e rëndë ka ndodhur para ndryshimit të vitieve në dhejtor të 2018, ku tre persona dhe një shtetas turk mes tyre mbetën të vdekur nga një breshëri plumbash kallashnikov. Mësohet se ata ishin duke udhëtur me një mjet tip “Range Rover”, në afërsi të Kombinatit Metalurgjik.
Dy viktimat nga Elbasani kishin lidhje farefisnore, Dylgjeri dhe Alibeaj janë xhaxha dhe nip, pra 56 vjeçari Dylgjeri është xhaxhai i 34 vjeçarit Alibeaj.
Ky i fundit ishte i njohr për policinë pasi rezultonte me precedent të mëparshëm penal. Kujtojmë se në këtë atentat ka mbetur i vdekur dhe një shtetas turk, Erdal Duranaz 51 vjeç.
Endrit Alibeaj, Arben Dylgjeri dhe shtatasi turk më herët kanë qenë në prani të familjarëve të tyre. Kjo vërteton faktin që atentatorët nuk e kanë marrë parasysh numrin e viktimave që mund të shkaktonin.
