Gazetari Artan Hoxha është ndalur sot te atentati i pazbardhur ndaj Andi Malokut në atentatin e 1 Nëntorit të vitit të shkuar. Shoferi i prokurorit Arjan Ndoji mbeti i vrarë pasi drejt mjetit në të cilin ata udhëtonin u qëllua me një breshëri plumbash.
Por në një intervistë në “Abc news” gazetari Artan Hoxha, tha se ndonëse ishte më i pafajshmi në atë ngjarje, emri i Andi Malokut është bërë pis. Sipas dokumetave në kadastër, Maloku figuron pronar i 20 mijë metrave katrorë tokë dhe që sikurse deklaron gazetari me të ardhurat që kishte Andi Maloku nuk mund ta bënte një blerje të tillë.
Deklarata e Artan Hoxhës:
“Lëviznin edhe materiale që dyshohej se ishin pjesë e fashikujve të grabitur. Rrezikoi të hapte një plagë të madhe, implikimin e pushtetit me mafien e tokave. Në fakt së pari duhet të ishin marrë me ngjarjen, nëse ka përgjegjësi prokuroi duhet të hetohet. Nëse provohet ai prokuror nuk duhet të jetë më në sistem. Kjo ngjarje ka ndodhur në 1 nëntor vitit të kaluar. Ka qenë e paralajmëruar. Pati hetime dhe zhurmë, pati presion. Sipas deputeti atë video ia ka dhënë një nga familjarët e viktimave. Sipas tyre në video ata janë autorët dhe njëri është kapur dhe tjetri jo. Ata pretendojnë se nuk po punohet për të zbardhur të vërtetën. Ndërkohë ajo çështje është shumë më e thellë. Ka të bëjë me pronësinë e tokave në gjirin e Lalëzit, në një nga zonat më të mira të Shqipërisë. Në atentatin e 1 nëntorit edhe pse objektivi ishin dy të tjerë, nuk është normale që prokuroi ka një pozicion të rëndësishëm të ndodhet me personat që thotë qeveria është i përfshirë. Dhe viktimë mbeti një nga më të pafajshmit. Nga hulumtimet më ka rezultuar se nuk është kaq e thjeshtë histori. Në dokumentet e zyrave të Kadastrës së Durrësit edhe ky shoferi nga një familje e varfër ka blerë tokë në gjirin e Lalëzit. Sot ai ka paguar faturën e dikujt tjetër. Një personazh krejt i ri, emrin e tij e kanë bërë pis. E gjej në Kadastër pronar në një sipërfaqe toke 20 mijë metër katror. 20 mijë metër katror, jam i sigurt që Andi Maloku dhe familjarët e tij nuk kanë pasur kosto ta blejnë. Kush është fshehur pas emrit të të ndjerit, njeriu më i pafajshëm në histori. Është vrarë një i pafajshëm. Ky njeri ka ikur kot dhe familja e tij vuan. Personat e përfshirë në këtë histori kanë guxuar të bëjnë pis edhe emrin e tij”, tha Hoxha.
Pasditen e 1 nëntorit të 2019 atentati ndaj prokurorit Arjan Ndoja tronditi jo pak vendin tonë, ngjarje e ndodhur disa ditë pasi kryeministri Edi Rama e kishte sulmuar atë publikisht, duke e etiketuar si pjesë e një grupi “KCK”, (Kap ça të kapësh), në drejtësinë shqiptare.
Arjan Ndoja, bashkë me Landi Muharremin (Aleksandër Laho) dhe Andi Malokun, shoferi i Ndojës, po udhëtonin nga Durrësi drejt Tiranës dhe në zonën e mbikalimit të Shkozetit, u qëlluan nga një makinë Benz, në ecje, ku dyshohet se ka qenë brenda Redjan Rraja.
Për pasojë, u plagosën të tre, por në gjendje më të rëndë ishte Andi Maloku, i cili u bë mbrojtja e prokurorit Ndoja në atentat dhe fatkeqësisht për shkak të plagëve të shumta, ai ndërroi jetë dy ditë më vonë në spitalin e Traumës në Tiranë.
Së fundmi, babai i Andit, Genc Maloku, i ka dërguar një letër autoriteteve shqiptare, institucioneve ndërkombëtare, Ambasadës Amerikane dhe Bashkimit Evropian.
