Ditën e djeshme në Elbasan ka ndodhur një ngjarje e rëndë ku 52-vjeçarja Fatbardha Likrama, nënë e tre fëmijëve, u hodh nga kati i katërt i një pallati duke u vetëvrarë.
Ditën e sotme motra e Fatbardhës ka dëshmuar për “News 24”, ku ka rikonfirmuar se motra e saj ka përjetuar dhunë në familje.
Sipas saj, Fatbardha Likrama ka shkuar të hënën te shtëpia e saj dhe ka kërkuar ndihmë për dhunën. Ajo ka gjetur motrën dhe bashkëshortin e saj dhe ka kërkuar ndihmë pasi ka qenë shumë e tensionuar psikologjikisht. Atë natë ka qëndruar në banesën e motrës. Bashkëshorti i saj i ka kërkuar që të shkojë në polici për të bërë denoncim.
Ditën e nesërme është telefonuar policia nga kunati i Fatbardhës dhe i është kallëzuar situata. Policia i ka kërkuar që të shkojë Fatbardha në komisariat. Pas denoncimit në orën 1 të natës është kthyer sërish në banesën e saj.
“Kur erdhi të hënën motra ime i dhashë bukë se ishte pa ngrënë. Më tha nëse nuk do më mbash në shtëpi, unë do vras veten, nuk kthehem më e gjallë. Edhe dje çuni më kërcënoi kur motra ime vrau veten. Më tha mbaje mend mirë çfarë do të bëj ty dhe burrit tënd, policia ishte prezente. Më mallkoi, më kërcënoi, i thashë policisë.
Ti ke për të vdek para kohe, vdeksh i kishte thënë burri. Më iku motra nga duart, policia nuk bëri asgjë. Ju kërkoj ndihmë juve, vetëm emisioni juaj e zgjidh. Atij duhet t’i ishin vënë hekurat. Motra ime me gjak në polici, ai rrinte aty”, u shpreh motra e viktimës.
