Komisioni i Pavarur i Kualifikimit ka konfirmuar në detyrë prokuroren e Krimeve të Rënda, Sonila Muhametaj, shkruan ‘Balkanweb’.
Muhametaj ka mbaruar Shkollën e Magjistraturës në vitin 2007 dhe është emëruar në Prokurorinë e Krujës.
Në 2014-ën ajo transferohet në Prokurorinë e Tiranës dhe një vit më vonë kalon te Krimet e Rënda.
Muhametaj ishte një ndër prokurorët e transferuar me urdhër të Arta Markut, pas konfliktit për dosjen ‘Shullazi’.
Prokurorja e Përgjithshme e Përkohshme, e transferoi në Pukë Muhametajn.
Prokurorja ngrit padi në Gjykatën Administrative dhe u rikthye sërish në detyrë.
Në deklarimet për ILDKPI, Muhametaj rezulton se në 2006-ën ka pasur një makinë me vlerë 500 mijë lekë, ndërsa në fund të 2017-ës, pasuria e saj është rritur me 9 herë, duke kapur vlerën e 4.6 milion lekëve.
Pas verifikimeve nga KPK, rezultoi se prokurorja nuk kishte probleme me drejtësinë.
Gjithashtu rezulton se subjekti rezulton se ka ende pa shlyer një vlerë prej 300 mijë lekësh nga kreditë.
