Dy ditë më parë ministrja e Shëndetësisë Ogerta Manastirliu alarmoi qytetarët pasi “u tmerrua” nga takimi që kryedemokrati Lulzim Basha zhvilloi me qytetarët në Durrës.
Në një postim në Facebook ajo shkruante se është tmerruar, kur ka parë fotot, ku njerëzit shaqen grumbull.
Madje, Manastirliu iu bënte thirrje qytetarëve që mos i bindeshin thirrjeve të Bashës, por të respektonin masat për Covid-19, pasi kjo papërgjegjshmëri mund t’i rrisë numrat përtej parashikimeve më negative.
Mirëpo, si duket ky parashikim vlen vetëm për opozitën dhe jo për mazhorancën.
Përveç hapjes së vendit ditën e sotme, që përkon me festën e fëmijëve, u rihap edhe parku “Rinia”, që ishte rrethuar prej muajsh nga Bashkia Tiranë për të bërë rikonstruktime.
Madje, Bashkia ditën e sotme u kujdes që çdo gjë të ishte perfekte dhe e denjë, me “show” edhe elemente të tjera tërheqëse.
E gjithë kjo atmosferë argëtuese ka tërhequr dhjetëra qytetarë, të cilët janë mbledhur në parkun “Rinia”, duke mos respektuar masat e distancimit social.
Në disa foto të publikuara nga Dosja.al shihen grumbuj njerëzish që duket se tashmë e kanë harruar rrezikun e infektimit.
Por, jo vetëm njerëzit.
Edhe autoritetet përgjegjëse nuk kanë reaguar fare, duke harruar detyrën e tyre.
Ministrja e Shëndetësisë që të shtunën u tmerrua, krejt papritur ndryshoi mendim dhe tashmë rreziku për rritjen e infektimeve të reja u zhduk si me magji.
https://www.facebook.com/168952600227465/posts/965516880571029/
Ajo ishte në ambientet e shtëpisë së fëmijëve “Zyber Hallulli” dhe si duket i kanë shpëtuar këto pamje të frikshme.
Sakaq, kryebashkiaku i Tiranës Erion Veliaj nuk ka vonuar të publikojë në rrjetet sociale foto e video nga atmosfera, dhe virusi nuk duket askund.
Sakaq, në zonë nuk ka asnjë efektiv policie që të ‘zgjojë’ ndërgjegjien e qytetarëve, teksa disa ditë më parë dhunuan makabërisht një 15-vjeçar që kishte shkelur karantinën, historia e të cilit “mori dhenë”.
Si duket brenda dy ditësh rreziku nga infektimi është zhdukur, ndonëse numri i rasteve të reja është goxha proekupues.
