Faza e parë e procesit të rindërtimit do të fillojë së shpejti në Rripin e Gazës katër muaj pas ofensivës vdekjeprurëse të Izraelit. Plani i rindërtimit u përcaktua nga Ministria e Punëve Publike dhe Banesave në Gaza, Komiteti i Katarit për Rindërtimin e Gazës dhe palë të tjera ndërkombëtare.
Naji Sarhan, nënsekretar i Ministrisë së Punëve Publike, tha për Al Jazeera se disa vende u zotuan të kontribuojnë në procesin e rindërtimit të Gazës dhe puna do të fillojë deri në tetor.
“Katari u zotua 500 milion dollarë për rindërtimin e njësive të banimit të shkatërruara në ofensivën e fundit izraelite, ndërsa Egjipti premtoi 500 milion dollarë amerikanë që do të shkojnë në infrastrukturë dhe rrugë të shkatërruara”, tha ai
Ofensiva izraelite për 11 ditë në maj, vrau më shumë se 260 palestinezë, përfshirë edhe 66 fëmijë dhe u shënua nga intensiteti i bombardimeve, shënjestrimi i shtëpive civile dhe infrastrukturës. Rreth 2,000 shtëpi u shkatërruan, përveç 22,000 njësive të tjera që u dëmtuan pjesërisht, duke rezultuar në zhvendosjen e dhjetëra mijëra palestinezëve. Të paktën katër ndërtesa të larta u rrafshuan, përfshirë këtu edhe zyra të mediave ndërkombëtare dhe 74 struktura publike u vunë në shënjestër.
Sipas Sarhan, humbjet në luftën e fundit vlerësohen në të paktën 497 milion dollarë.
