Gjykata Kushtetuese ka rrëzuar kërkesën e gjyqtarit Besnik Cani, ish-anëtar i KLP për të shqyrtuar padinë e tij ndaj anëtarit të Kolegjit të Posaçëm të Apelimit Luan Daci, dy ditë pasi ky i fundit u pezullua nga detyra.
Cani pas shkarkimit të KPA paditi në Gjykatën Kushtetuese Luan Dacin dhe Artan Hajdarin duke pretenduar se ishin emëruar anëtarë të trupës gjykuese në KPA në kundërshtim të Kushtetutës.
Luan Daci akuzohet nga SPAK se fshehu shkarkimin nga detyra në vitin 1997.
Hetimi ka nisur disa muaj më parë, përfshirë këtu disa institucione që kanë marrë përsipër akuzat dhe ai akuzohet se ka mashtruar institucionet shqiptare, ndërkohë që ka patur rol kryesor në mbajtjen në punë ose largimin të gjykatësve dhe prokurorëve në Shqipëri.
